兒歌名稱：落雨大（東山少爺）
歌詞：
落雨大，水浸街，
阿哥擔柴上街賣。
阿嫂出街著花鞋，
花鞋花襪花腰帶。
細細個我就識唱呢首歌，
嗰時成班朋友仔，
排排坐，食果果。
人之初，為誰無過，
做錯事有父母原諒我，
偷偷拍下拖。
大個咗，出嚟做嘢成熟咗，
發現揾食艱難咯，
冇錢咯喎，乜都禍。
收工揾咗阿成出嚟唱下歌，
我老細啲衰嘢，你有冇聽過？
老細：阿邊個邊個，
咁少嘢都做錯，搞到公司損失咗。
一于調你去洗廁所，一係你畀份report我，
今個月嘅獎金，冇得攞。
A：（笑住講）嗨，噉你咪去洗廁所啰
B：喂，你唔係啊哇，
你係咪兄弟啊，噉都笑我
A：唉，唔好講埋啲衰嘢啦，
嚟啊，飲杯飲杯。喂我哋只歌喎
落雨大，水浸街，
阿哥擔柴上街賣。
阿嫂出街著花鞋，
花鞋花襪花腰帶。
落雨大，廣州水浸街，
各位兄臺已長大。
要知揾銀最艱難，
雙眼通紅聲沙曬。
細細個我就識唱呢首歌，
嗰時成班朋友仔，
排排坐，食果果。
人之初，為誰無過，
做錯事有父母原諒我，
偷偷拍下拖。
A：喂，講到拍拖，
你大學嗰時候嘅女朋友點啊？
B：哦，冇咯～嫁咗個有錢佬喎，
上次同學聚會重見過佢，曬命噉曬。
舊女友：我有部保時捷啊，
都唔好坐，都係加長版林肯最啱我。
住喺二沙島，啲空氣又唔好，
住響倫敦，我又怕大霧，
都唔知點算好。
A：哇哈哈，咁夸張嘅，做戲咁做啊。
B：咪就係啰，唉，唔好講喇，飲啊～
A：唉，飲啊飲啊。唉，唔得了，
哎呀，想劏，你自己唱只歌
B：乜咁咋0架
落雨大，水浸街，
阿哥擔柴上街賣。
阿嫂出街著花鞋，
花鞋花襪花腰帶。
落雨大，廣州水浸街，
各位兄臺已長大。
要知揾銀最艱難，
雙眼通紅聲沙曬。
人比人，比死人，
不需理會別人，做好我本分。
好有錢，好有面，
夢想未必實現，
世上有啲嘢，比錢更值錢！
揾多幾多錢，不一定快樂，
不需心酸酸，希望在明天。
不管前路多艱險，
互勉盼到新一天。

【落雨大（東山少爺）】相關文章：

• 山的那一邊

• 紅橙黃綠藍靛紫

• 狂歡派對

• 聽浪聲

• 爬樓梯

• 七色彩虹鐘

• 小幸福

• 我有一個笑話

• 七色單簧管

• 蝴蝶飛

• 我的小火車

• 朵朵花開